अथ कथमपि मद्रसनां त्वद्गुण-
लेशैर्विशोधयामि विभो ।
साम्ब सदाशिव शम्भो शङ्कर
शरणं मे तव चरणयुगम् ॥ १ ॥

atha kathamapi madrasanāṃ tvadguṇa-
leśairviśodhayāmi vibho ;
sāmba sadāśiva śambho śaṅkara
śaraṇaṃ me tava caraṇayugam . 1 .

आखण्डलमदखण्डनपण्डित
तण्डुप्रिय चण्डीश विभो ।
साम्ब सदाशिव शम्भो शङ्कर
शरणं मे तव चरणयुगम् ॥ २ ॥

ākhaṇḍalamadakhaṇḍanapaṇḍita
taṇḍupriya caṇḍīśa vibho ;
sāmba sadāśiva śambho śaṅkara
śaraṇaṃ me tava caraṇayugam . 2 .

इमचर्माम्बर शम्बररिपुवपु-
रपहरणोज्ज्वलनयन विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३ ॥

imacarmāmbara śambararipuvapu-
rapaharaṇojjvalanayana vibho ;
sāmba sadāśiva śambho śaṅkara
śaraṇaṃ me tava caraṇayugam . 3 .

ईश गिरीश नरेश परेश म-
हेश बिलेशयभूषण भो ।
साम्ब सदाशिव शम्भो शङ्कर
शरणं मे तव चरणयुगम् ॥ ४ ॥

īśa girīśa nareśa pareśa ma-
heśa bileśayabhūṣaṇa bho ;
sāmba sadāśiva śambho śaṅkara
śaraṇaṃ me tava caraṇayugam . 4 .

उमया दिव्यसुमङ्गलविग्रह-
यालिङ्गितवामाङ्ग विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ५ ॥

umayā divyasumaṅgalavigraha-
yāliṅgitavāmāṅga vibho ;
sāmba sadāśiva śambho śaṅkara
śaraṇaṃ me tava caraṇayugam . 5 .

ऊरीकुरु मामज्ञमनाथं
दूरीकुरु मे दुरितं भो ।
साम्ब सदाशिव शम्भो शङ्कर
शरणं मे तव चरणयुगम् ॥ ६ ॥

ūrīkuru māmajñamanāthaṃ
dūrīkuru me duritaṃ bho ;
sāmba sadāśiva śambho śaṅkara
śaraṇaṃ me tava caraṇayugam . 6 .

ऋषिवरमानसहंस चराचर-
जननस्थितिलयकारण भो ।
साम्ब सदाशिव शम्भो शङ्कर
शरणं मे तव चरणयुगम् ॥ ७ ॥

ṛṣivaramānasahaṃsa carācara-
jananasthitilayakāraṇa bho ;
sāmba sadāśiva śambho śaṅkara
śaraṇaṃ me tava caraṇayugam . 7 .

ॠक्षाधीशकिरीट महोक्षा-
रूढ विधृतरुद्राक्ष विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ८ ॥

R^īkṣādhīśakirīṭa mahokṣā-
rūḍha vidhṛtarudrākṣa vibho ;
sāmba sadāśiva śambho śaṅkara
śaraṇaṃ me tava caraṇayugam . 8 .

लृवर्णद्वन्द्वमवृन्तसुकुसुममि-
वाङ्घ्रौ तवार्पयामि विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ९ ॥

lṛvarṇadvandvamavṛntasukusumami-
vāṅghrau tavārpayāmi vibho ;
sāmba sadāśiva śambho śaṅkara
śaraṇaṃ me tava caraṇayugam . 9 .

एकं सदिति श्रुत्या त्वमेव
सदसीत्युपास्महे मृड भो ।
साम्ब सदाशिव शम्भो शङ्कर
शरणं मे तव चरणयुगम् ॥ १० ॥

ekaṃ saditi śrutyā tvameva
sadasītyupāsmahe mṛḍa bho ;
sāmba sadāśiva śambho śaṅkara
śaraṇaṃ me tava caraṇayugam . 10 .

ऐक्यं निजभक्तेभ्यो वितरसि
विश्वम्भरोऽत्र साक्षी भो ।
साम्ब सदाशिव शम्भो शङ्कर
शरणं मे तव चरणयुगम् ॥ ११ ॥

aikyaṃ nijabhaktebhyo vitarasi
viśvambharo’tra sākṣī bho ;
sāmba sadāśiva śambho śaṅkara
śaraṇaṃ me tava caraṇayugam . 11 .

ओमिति तव निर्देष्ट्री माया-
ऽस्माकं मृडोपकर्त्री भो ।
साम्ब सदाशिव शम्भो शङ्कर
शरणं मे तव चरणयुगम् ॥ १२ ॥

omiti tava nirdeṣṭrī māyā-
’smākaṃ mṛḍopakartrī bho ;
sāmba sadāśiva śambho śaṅkara
śaraṇaṃ me tava caraṇayugam . 12 .

औदास्यं स्फुटयति विषयेषु दि-
गम्बरता च तवैव विभो ।
साम्ब सदाशिव शम्भो शङ्कर
शरणं मे तव चरणयुगम् ॥ १३ ॥

audāsyaṃ sphuṭayati viṣayeṣu di-
gambaratā ca tavaiva vibho ;
sāmba sadāśiva śambho śaṅkara
śaraṇaṃ me tava caraṇayugam . 13 .

अन्तःकरणविशुद्धिं भक्तिं
च त्वयि सतीं प्रदेहि विभो ।
साम्ब सदाशिव शम्भो शङ्कर
शरणं मे तव चरणयुगम् ॥ १४ ॥

antaḥkaraṇaviśuddhiṃ bhaktiṃ
ca tvayi satīṃ pradehi vibho ;
sāmba sadāśiva śambho śaṅkara
śaraṇaṃ me tava caraṇayugam . 14 .

अस्तोपाधि समस्तव्यस्तै
रूपैर्जगन्मयोऽसि विभो ।
साम्ब सदाशिव शम्भो शङ्कर
शरणं मे तव चरणयुगम् ॥ १५ ॥

astopādhi samastavyastai
rūpairjaganmayo’si vibho ;
sāmba sadāśiva śambho śaṅkara
śaraṇaṃ me tava caraṇayugam . 15 .

करुणावरुणालय मयि दास उ-
दासस्तवोचितो न हि भो ।
साम्ब सदाशिव शम्भो शङ्कर
शरणं मे तव चरणयुगम् ॥ १६ ।
खलसहवासं विघटय घटय स-
तामेव सङ्गमनिशं भो ।
साम्ब सदाशिव शम्भो शङ्कर
शरणं मे तव चरणयुगम् ॥ १७ ॥

karuṇāvaruṇālaya mayi dāsa u-
dāsastavocito na hi bho ;
sāmba sadāśiva śambho śaṅkara
śaraṇaṃ me tava caraṇayugam . 16 ;
khalasahavāsaṃ vighaṭaya ghaṭaya sa-
tāmeva saṅgamaniśaṃ bho ;
sāmba sadāśiva śambho śaṅkara
śaraṇaṃ me tava caraṇayugam . 17 .

गरलं जगदुपकृतये गिलितं
भवता समोऽस्ति कोऽत्र विभो ।
साम्ब सदाशिव शम्भो शङ्कर
शरणं मे तव चरणयुगम् ॥ १८ ॥

garalaṃ jagadupakṛtaye gilitaṃ
bhavatā samo’sti ko’tra vibho ;
sāmba sadāśiva śambho śaṅkara
śaraṇaṃ me tava caraṇayugam . 18 .

घनसारगौरगात्र प्रचुरज-
टाजूटबद्धगङ्ग विभो ।
साम्ब सदाशिव शम्भो शङ्कर
शरणं मे तव चरणयुगम् ॥ १९ ॥

ghanasāragauragātra pracuraja-
ṭājūṭabaddhagaṅga vibho ;
sāmba sadāśiva śambho śaṅkara
śaraṇaṃ me tava caraṇayugam . 19 .

ज्ञप्तिः सर्वशरीरेष्वखण्डि-
ता या विभाति सा त्वं भो ।
साम्ब सदाशिव शम्भो शङ्कर
शरणं मे तव चरणयुगम् ॥ २० ॥

jñaptiḥ sarvaśarīreṣvakhaṇḍi-
tā yā vibhāti sā tvaṃ bho ;
sāmba sadāśiva śambho śaṅkara
śaraṇaṃ me tava caraṇayugam . 20 .

चपलं मम हृदयकपिं विषय-
द्रुचरं दृढं बधान विभो ।
साम्ब सदाशिव शम्भो शङ्कर
शरणं मे तव चरणयुगम् ॥ २१ ॥

capalaṃ mama hṛdayakapiṃ viṣaya-
drucaraṃ dṛḍhaṃ badhāna vibho ;
sāmba sadāśiva śambho śaṅkara
śaraṇaṃ me tava caraṇayugam . 21 .

छाया स्थाणोरपि तव तापं
नमतां हरत्यहो शिव भो ।
साम्ब सदाशिव शम्भो शङ्कर
शरणं मे तव चरणयुगम् ॥ २२ ॥

chāyā sthāṇorapi tava tāpaṃ
namatāṃ haratyaho śiva bho ;
sāmba sadāśiva śambho śaṅkara
śaraṇaṃ me tava caraṇayugam . 22 .

जय कैलासनिवास प्रमथग-
णाधीश भूसुरार्चित भो ।
साम्ब सदाशिव शम्भो शङ्कर
शरणं मे तव चरणयुगम् ॥ २३ ॥

jaya kailāsanivāsa pramathaga-
ṇādhīśa bhūsurārcita bho ;
sāmba sadāśiva śambho śaṅkara
śaraṇaṃ me tava caraṇayugam . 23 .

झणुतकझङ्किणुझणुतक्किटतक-
शब्दैर्नटसि महानट भो ।
साम्ब सदाशिव शम्भो शङ्कर
शरणं मे तव चरणयुगम् ॥ २४ ॥

jhaṇutakajhaṅkiṇujhaṇutakkiṭataka-
śabdairnaṭasi mahānaṭa bho ;
sāmba sadāśiva śambho śaṅkara
śaraṇaṃ me tava caraṇayugam . 24 .

ज्ञानं विक्षेपावृतिरहितं
कुरु मे गुरुस्त्वमेव विभो ।
साम्ब सदाशिव शम्भो शङ्कर
शरणं मे तव चरणयुगम् ॥ २५ ॥

jñānaṃ vikṣepāvṛtirahitaṃ
kuru me gurustvameva vibho ;
sāmba sadāśiva śambho śaṅkara
śaraṇaṃ me tava caraṇayugam . 25 .

टङ्कारस्तव धनुषो दलयति
हृदयं द्विषामशनिरिव भो ।
साम्ब सदाशिव शम्भो शङ्कर
शरणं मे तव चरणयुगम् ॥ २६ ॥

ṭaṅkārastava dhanuṣo dalayati
hṛdayaṃ dviṣāmaśaniriva bho ;
sāmba sadāśiva śambho śaṅkara
śaraṇaṃ me tava caraṇayugam . 26 .

ठाकृतिरिव तव माया बहिर-
न्तः शून्यरूपिणी खलु भो ।
साम्ब सदाशिव शम्भो शङ्कर
शरणं मे तव चरणयुगम् ॥ २७ ॥

ṭhākṛtiriva tava māyā bahira-
ntaḥ śūnyarūpiṇī khalu bho ;
sāmba sadāśiva śambho śaṅkara
śaraṇaṃ me tava caraṇayugam . 27 .

डम्बरमम्बुरुहामपि दलय-
त्यनघं त्वदङ्घ्रियुगलं भो ।
साम्ब सदाशिव शम्भो शङ्कर
शरणं मे तव चरणयुगम् ॥ २८ ॥

ḍambaramamburuhāmapi dalaya-
tyanaghaṃ tvadaṅghriyugalaṃ bho ;
sāmba sadāśiva śambho śaṅkara
śaraṇaṃ me tava caraṇayugam . 28 .

ढक्काक्षसूत्रशूलद्रुहिणक
रोटीसमुल्लसत्कर भो ।
साम्ब सदाशिव शम्भो शङ्कर
शरणं मे तव चरणयुगम् ॥ २९ ॥

ḍhakkākṣasūtraśūladruhiṇaka
roṭīsamullasatkara bho ;
sāmba sadāśiva śambho śaṅkara
śaraṇaṃ me tava caraṇayugam . 29 .

णाकारगर्भिणी चेच्छुभदा
ते शरगतिर्नृणामिह भो ।
साम्ब सदाशिव शम्भो शङ्कर
शरणं मे तव चरणयुगम् ॥ ३० ॥

ṇākāragarbhiṇī cecchubhadā
te śaragatirnṛṇāmiha bho ;
sāmba sadāśiva śambho śaṅkara
śaraṇaṃ me tava caraṇayugam . 30 .

तव मन्वतिसञ्जपतः सद्य-
स्तरति नरो हि भवाब्धिं भो ।
साम्ब सदाशिव शम्भो शङ्कर
शरणं मे तव चरणयुगम् ॥ ३१ ॥

tava manvatisañjapataḥ sadya-
starati naro hi bhavābdhiṃ bho ;
sāmba sadāśiva śambho śaṅkara
śaraṇaṃ me tava caraṇayugam . 31 .

थूत्कारस्तस्य मुखे भूया-
त्ते नाम नास्ति यस्य विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३२ ॥

thūtkārastasya mukhe bhūyā-
tte nāma nāsti yasya vibho ;
sāmba sadāśiva śambho śaṅkara
śaraṇaṃ me tava caraṇayugam . 32 .

दयनीयश्च दयालुः कोऽस्ति म-
दन्यस्त्वदन्य इह वद भो ।
साम्ब सदाशिव शम्भो शङ्कर
शरणं मे तव चरणयुगम् ॥ ३३ ॥

dayanīyaśca dayāluḥ ko’sti ma-
danyastvadanya iha vada bho ;
sāmba sadāśiva śambho śaṅkara
śaraṇaṃ me tava caraṇayugam . 33 .

धर्मस्थापनदक्ष त्र्यक्ष गु-
रो दक्षयज्ञशिक्षक भो ।
साम्ब सदाशिव शम्भो शङ्कर
शरणं मे तव चरणयुगम् ॥ ३४ ॥

dharmasthāpanadakṣa tryakṣa gu-
ro dakṣayajñaśikṣaka bho ;
sāmba sadāśiva śambho śaṅkara
śaraṇaṃ me tava caraṇayugam . 34 .

ननु ताडितोऽसि धनुषा लुब्धधि-
या त्वं पुरा नरेण विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३५ ॥

nanu tāḍito’si dhanuṣā lubdhadhi-
yā tvaṃ purā nareṇa vibho ;
sāmba sadāśiva śambho śaṅkara
śaraṇaṃ me tava caraṇayugam . 35 .

परिमातुं तव मूर्तिं नालम-
जस्तत्परात्परोऽसि विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३६ ॥

parimātuṃ tava mūrtiṃ nālama-
jastatparātparo’si vibho ;
sāmba sadāśiva śambho śaṅkara
śaraṇaṃ me tava caraṇayugam . 36 .

फलमिह नृतया जनुषस्त्वत्पद-
सेवा सनातनेश विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३७ ॥

phalamiha nṛtayā januṣastvatpada-
sevā sanātaneśa vibho ;
sāmba sadāśiva śambho śaṅkara
śaraṇaṃ me tava caraṇayugam . 37 .

बलमारोग्यं चायुस्त्वद्गुण-
रुचितां चिरं प्रदेहि विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३८ ॥

balamārogyaṃ cāyustvadguṇa-
rucitāṃ ciraṃ pradehi vibho ;
sāmba sadāśiva śambho śaṅkara
śaraṇaṃ me tava caraṇayugam . 38 .

भगवन्भर्ग भयापह भूतप-
ते भूतिभूषिताङ्ग विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ३९ ॥

bhagavanbharga bhayāpaha bhūtapa-
te bhūtibhūṣitāṅga vibho ;
sāmba sadāśiva śambho śaṅkara
śaraṇaṃ me tava caraṇayugam . 39 .

महिमा तव न हि माति श्रुतिषु हि-
मानीधरात्मजाधव भो ।
साम्ब सदाशिव शम्भो शङ्कर
शरणं मे तव चरणयुगम् ॥ ४० ॥

mahimā tava na hi māti śrutiṣu hi-
mānīdharātmajādhava bho ;
sāmba sadāśiva śambho śaṅkara
śaraṇaṃ me tava caraṇayugam . 40 .

यमनियमादिभिरङ्गैर्यमिनो
हृदये भजन्ति स त्वं भो ।
साम्ब सदाशिव शम्भो शङ्कर
शरणं मे तव चरणयुगम् ॥ ४१ ॥

yamaniyamādibhiraṅgairyamino
hṛdaye bhajanti sa tvaṃ bho ;
sāmba sadāśiva śambho śaṅkara
śaraṇaṃ me tava caraṇayugam . 41 .

रज्जावहिरिव शुक्तौ रजतमि-
व त्वयि जगन्ति भान्ति विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ४२ ॥

rajjāvahiriva śuktau rajatami-
va tvayi jaganti bhānti vibho ;
sāmba sadāśiva śambho śaṅkara
śaraṇaṃ me tava caraṇayugam . 42 .

लब्ध्वा भवत्प्रसादाच्चक्रं
विधुरवति लोकमखिलं भो ।
साम्ब सदाशिव शम्भो शङ्कर
शरणं मे तव चरणयुगम् ॥ ४३ ॥

labdhvā bhavatprasādāccakraṃ
vidhuravati lokamakhilaṃ bho ;
sāmba sadāśiva śambho śaṅkara
śaraṇaṃ me tava caraṇayugam . 43 .

वसुधातद्धरतच्छयरथमौ
र्वीशर पराकृतासुर भो ।
साम्ब सदाशिव शम्भो शङ्कर
शरणं मे तव चरणयुगम् ॥ ४४ ॥

vasudhātaddharatacchayarathamau
rvīśara parākṛtāsura bho ;
sāmba sadāśiva śambho śaṅkara
śaraṇaṃ me tava caraṇayugam . 44 .

शर्व देव सर्वोत्तम सर्वद
दुर्वृत्तगर्वहरण विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ४५ ॥

śarva deva sarvottama sarvada
durvṛttagarvaharaṇa vibho ;
sāmba sadāśiva śambho śaṅkara
śaraṇaṃ me tava caraṇayugam . 45 .

षड्रिपुषडूर्मिषड्विकारहर
सन्मुख षण्मुखजनक विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ४६ ॥

ṣaḍripuṣaḍūrmiṣaḍvikārahara
sanmukha ṣaṇmukhajanaka vibho ;
sāmba sadāśiva śambho śaṅkara
śaraṇaṃ me tava caraṇayugam . 46 .

सत्यं ज्ञानमनन्तं ब्रह्मे-
त्येतल्लक्षणलक्षित भो ।
साम्ब सदाशिव शम्भो शङ्कर
शरणं मे तव चरणयुगम् ॥ ४७ ॥

satyaṃ jñānamanantaṃ brahme-
tyetallakṣaṇalakṣita bho ;
sāmba sadāśiva śambho śaṅkara
śaraṇaṃ me tava caraṇayugam . 47 .

हाहाहूहूमुखसुरगायक-
गीतापदानपद्य विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ४८ ॥

hāhāhūhūmukhasuragāyaka-
gītāpadānapadya vibho ;
sāmba sadāśiva śambho śaṅkara
śaraṇaṃ me tava caraṇayugam . 48 .

ळादिर्न हि प्रयोगस्तदन्त-
मिह मङ्गळं सदास्तु विभो ।
साम्ब सदाशिव शम्भो शङ्कर
शरणं मे तव चरणयुगम् ॥ ४९ ॥

Lādirna hi prayogastadanta-
miha maṅgaLaṃ sadāstu vibho ;
sāmba sadāśiva śambho śaṅkara
śaraṇaṃ me tava caraṇayugam . 49 .

क्षणमिव दिवसान्नेष्यति त्वत्पद-
सेवाक्षणोत्सुकः शिव भो ।
साम्ब सदाशिव शम्भो शङ्कर
शरणं मे तव चरणयुगम् ॥ ५० ॥

kṣaṇamiva divasānneṣyati tvatpada-
sevākṣaṇotsukaḥ śiva bho ;
sāmba sadāśiva śambho śaṅkara
śaraṇaṃ me tava caraṇayugam . 50 .